Friday, March 12, 2010

KOPIVOSIAN!

Ounsikou toomod oh ginavoku tuu nokosivat zou do monoodo diti Blog ih pinungaanan ku do "Blog Tuhun kadazan".Aiso ih do suvai atag ku nga popobuu do boos om sinuatan do Kadazan om hoohobi po kozo om manampasi zou do boos Kadazan Penampang.Ahalap zou do kaanu zou mongopi do sinuatan doid Blog diti montok do soviavi sakag vagu tanak kadazan.
Kikotumbazaan zou do au ih atagak oh Boos do Kadazan nung tomoimo tokou momoguno,monuat om mamakai doid pimbooson tikid tadau.Tanak vagu tokou nopo do baino nga nakamaju nodii toomod doid binabalajalan tuu iti no bo gia oh komostian tuhun tokou mongoi do kaanu tokou tumopong do kopintalan do baino.

Suubon no tokou ngaavi oh tanak tokou do monguasa do hobi ginumu boos do sompomogunan (Onggilis,Malazu,Kina)nga kada hiivai tokou do monuu dioho do monguasa Boos do Kadazan.Magangat zou do soviavi tuhun kadazan do monuat toiko popokilim do "topiumanan"dioho kuma dogo doid blog diti,mongoi do hobi ginumu dah oh sinuatan kadazan do otimung tokou doid Blog diti.Obuli ko do popokilim do onu nopo tanong toi solita nga kada noopo sinuatan di au avasi.Ahaid zou noh do au moboos kadazan tu poingizon zou ih gia doid kakadazan do suvai.Ih savo ku nga Tuhan kadazan,katapi nabati isido,tu au noubas do moboos kadazan mantad di toninii poh.Dadi...aiso di oh tuhun kadazan do ponongkibaasan toi ponongkosolitaan ku doid hamin ku.
Abakatan tokou no diMinamagun.Amen